دندونتي

يابه الله بالخير.. اليوم مو أي يوم عادي، اليوم عيد ميلاد طفلتي ومامي وكل دنيتي.

سويتلج هذا الموقع حتى احجيلج شكد احبج، هذا أول عيد ميلاد واحنا داخلين بعلاقة حب سوية، وردت اوثق يومي وياج من أول ما نكعد لحد ما ننام.

هوى دجلة وهدوئج

تعرفين شكد حلو هوى دجلة بوقت العصر؟ هيج انتي تريحين كلبي وتخلين الدنيا حلوة بعيني. مثل ما الناس تتنفس الهوى، اني اتنفسج.

كل لحظة تمر واني وياج احس بيها براحة متنوصف، ما اريد من الدنيا أي شي غير انو تبقين يمي وماتعوفيني.

ما انام الا على صوتج

تدرين بيا ابد ما احب انام وحدي.. الا ننام اني وياج سوية وتودعيني بحجاياتج الحلوة، يالله اكدر انام مرتاح ومطمن.

هاي الاغنية تشبهج، وتشبه احساسي بيج من يخلص اليوم واريد اسمع صوتج.. شغليها يلا.

امنيتي الوحيدة

بهذا الليل وبكل ليل، امنيتي الوحيدة انو نتزوج بأقرب فرصة وتصيرين حلالي وننجمع ببيت واحد، راح يكون هذا أحلى شي يصير بحياتنا.

كل عام وانتي طفلتي، ومامي، وحبيبتي، وكل دنيتي. احبج...